شەفەق نیوز/ شار زابل باکوور پارێزگای سیستان و بلوجستان باشوور خوەرهەڵات ئیران بەرزترین پلەی گەرمی توومارکرد ک رەسیە 50.8 پلە، ک بەرزترینە لەناو زیاتر لە 8800ناوچە ک گشت جەهان پلەی گەرمیان توومار کریاس.

دویای 60 ساڵ یە یەکەمینجارە پلەی گەرمی بەش باکوور پارێزگای سیستان و بلوجستان لە وەرز وەهار بڕەسێدە 50 پلەی سیلیزی، ک رووژ چوارشەممەی وەرین کۆتا رووژی بوی، وەپای ماڵپەر "OGIMET" ئسپانی تایبەت وە توومارکردن پلەی گەرمی.

بەرزترین پلەی گەرمی توومارکریاگ لە زابل لەدویای دامەزرانن وێستگەی کەشناسی بوی لەورا، ک 51 پلەی سەدی بوی لە وەرز تاوسان 1970، مەوقەیگ ک شارەگە وەرجە چەن مانگیگ سەختترین زمسان وەخوەی دیبوی، سێهەمین سەردترین ماوە بوی لە شەست ساڵ وەرین.

لەهەمان مەوقە نزمترین پلەی گەرمی ک وستگەی کەشناسی زابل لە ساڵ 1971 تووماریکردیە، پلەی گەرمی داوەزیاسە ئەرا 12 پلەی سەدی لەژیر سفر.

سەرچەوە: ئیران پرێس-