شەفەق نیوز/ سەرچەوەیگ خۆجێیی و کشاورزەیل، ئمڕوو پەنجشەممە، خەوەردا لە هشکەوبۊی ئاو بەنداو دویسات لەناوچەی دەرکوش لە باکوور خوەرئاوای سوریا، لەوەر داوەزین ئاست وارانەیلیە و خورمیایی.
کشاوەرزەیلیگ ئەرا ئاژانس فرانس برس وتن: هشکیەگە رەسیە بەنداو سەرەکی لە پارێزگای ئەدلب ئەرا یەکەم جارە لە مەوقەی دروسبۊینی وەرجە نزیکەی سی ساڵ، لەوەر داوەزین ئاست وارانەگە و خورمیایی بەنداوەگە و زیایبۊن وەکارهاوردن ئاوەگەی.
ماهر حسێن ئەندازیار وەرپرس ئەو بەنداوە ئەرا ئاژانسەگە وت: یە یەکەم جارە ئاو بەنداوەگە هشکەو بوود لەوەخت دروسبۊینی لەساڵ ١٩٩٤ تا ئیسە.
وتیش: لەوەر هشکیەگە ئمڕوو وەپا وەبان ئەو دەریاچە ریببکەیکن ک لەناو بەنداوەگە نوقم بۊێد، ئیسە دۊیای هشکیەگە دیاردا.