رووژنامەی ئۆرشەلیم پۆست لە زوان ناوەند ئاڵما ئەرا توێژینەوە و پەروەردە بڵاو کردگە، مانگ ئایار ٢٠٢٤ ئەو مانگە بوی کە "بەرزترین تونی پەلامارەیل حزبولڵای لوبنان لە دژ ئیسرائیل لە دویای ئۆکتۆبەر ٢٠٢٣ەو" ، وەگورەی ئەوە کە لەلایەن "سکای نیوز عەرەبی"ەو بڵاو کریاس.
راپۆرت ئەلما بەڵگەی ئاشکرا خەێدە وەرچەو کە حزبلڵڵا چوین تاکتیکەیلی ئاڵشت کەێد و ئویشێد: “لە ماوەی مانگ ئایار ٢٠٢٤ حزبولڵا ٣٢٥ پەلامار ئەنجامداگە، تێکڕای پەلامارەیل رووژانە ١٠ پەلامار بویە لە، لە وەختیگ لە مانگ نیسان حزبولڵا ٢٣٨ پەلامار ئەنجامداگە وە تێکڕا 7.8 پەلامار لە رووژیگ”.
راپۆرتەگە وتیش: “لە رەی شیکردنەوە ئەو چەکەیلە کە حزبولڵا وەکاریان هاوردگە، لە مانگ ئایار 2024 ربژەی رویداوەیل وەکارهاوردن مووشەک دژە تانک و فڕۆکەی بێفڕۆکەوان زیای کردگە، کە دوو ئەوەنەی مانگ نیسانی 2024 بویە”.
مووشەک دژە تانک وە یەکیگ لە چەک سەرەکی لە جبەخانەی حزبولڵا دانریەێد، ئەلما وتیش لە مانگ ئایار 95 رویداو بویە لە وەختیگ لە مانگ نیسان 50 رویداو بویە.
حزبولڵا زویوەزوی پەلامارەیلی وە فڕۆکەی بێفڕۆکەوان زیای کردگە و لە ماوەی هەفتەی گوزەشتە ئەرا وە ئامانجگرتنی نەهاریە و جۆلان ەکاریان هاوردگە.
راپۆرتەگە وتیش: “لە مانگ ئایار ٢٠٢٤، ٨٥ دزەکردن وە فڕۆکەی بێفڕۆکەوانەو ئەرا ناو خاک ئیسرائیل رویداگە لە وەختیگ لە مانگ نیسان ٤٢، لە مانگ ئازار ٢٤ و لە شوبات ٢٠٢٤، ٧ پەلامار بویە”.
لە درویژەی راپۆرتەگە وتیس: لە سەرەتای جەنگ باکوورەو، لە ٨ تشرینی
یەکەم ٢٠٢٣، تا ٣١ ئایار ٢٠٢٤، حزبولڵا هەزار و ٩٦٤ پەلامار وەبان سنوور باکوور ئەنجامداگە، لە سەدا ٤٦ پەلامارەیلە وەبان ژیرخانی مەدەنی و ناوچە مەدەنییەیل بویە ."