شەفەق نیوز/ دوو فڕۆکەوان لە ئیران، ئمڕوو شەممە، دویای کەفتن فڕۆکەیان ئیف-١٤ لەناوڕاس وڵاتەگە زەخمدار بوین، وەگورەی میدیایل راگەیانن فەرمی ئیران.
یە دویەم رویداوە لەی شیوە وەماوەی کەمتر لە یەک مانگ لە ناوچەگە، دویای کەفتن فڕۆکەیگ ئێف-٧ لە ئایار گوزەشتە، ک هەردوگ فڕۆکەوانی کوشیان.
وەرپرس پەیوەندیەیل گشتی لە سوپای ئیران لە ناوچەی ئەسفەهان، ئەرا ئاژانس تەسنیم وت: فڕۆکەی ئێف-١٤ شەوەکی ئمڕوو کەفتە وەر گیچەڵیگ هونەری.
وتیش: فڕکەوانەگە وشاگردەگەی وە پاڕەشووت داوەزیان، ورەسیانە خەسەخانەی زەهرا، وفڕۆکەگە داغان بوی.