شەفەق نیوز ـ واشنتۆن
تووڕ "فۆکس نیوز" ئەمریکی، ئمڕوو چوارشەممە، خەوەر دا کە کەشتییگ سەر وە ویلایەتە یەکگرتگەیل ئەمریکا لە نزیک گەرووی هورمز رۊوەڕۊ پەلامار ئیرانی بۊە.
تووڕەگە لە دوو سەرچەوە گواستەو، رویداوەگە "لە نزیک گەرووی هورمز" روی دایە و چوار فڕۆکەی بیفڕۆکەوان و وەلای کەم یەک مووشەک گردیەسەخوەی.
وتیش؛ یەکیگ لە فیشەکەیل کەفتیەسە بان کەشتییەگە، لە ئەنجام زەخمداری سووکیگ رویداس، جویر هەڵمژین دویکەڵ، لە وەختیگ زەخمدارەیل ئیرنگە لە یەکیگ لە وڵاتەیل کەنداو عەرەبی چارەسەر وەرگرن.
سەرچەوەیل "فۆکس نیوز" دیاریکرد، ئەرا بوین بڕیگ "کەس ئەمریکی" لەبان کەشتییەگە.