شەفەق نیوز - قودس
دەزگایەیل راگەیانن عیبری، ئمڕوو چوارشەممە، ئاشکرای دەسکردن هیزەیل ئیسرائیلی وە پرۆسەیل رمانن فراوانیگ کردن ئەرا ماڵەیل لە ناوچەیل باشوور لوبنان؛ وە ئامانج چووڵکردن ناوچەگە و چەسپانن "ناوچەیگ دابڕیاگ"، وەگەرد وەردەوامبوین پرۆسەیل سەربازی دژوە حزبوڵا کە لە سەرەتای ئازار گوزەشتەو وەردەوامە.
رووژنامەی "هائارێتس" لە سەرچەوەیل سەربازییەو وت: سوپای ئیسرائیلی کار کەێد لەبان دروسکردن شوینەیل سەربازی زیاتر لەناو خاکەیل لوبنانی و دوو ئەوەنەی ژمارەیل ئیسە کە هەس.
لە خود چوارچیوە، رووژنامەگە لە ئەفسەرەیلیگ لەناو سوپای ئیسرائیلییەو وت: شیواز ئەو پرۆسەیلە کە لە باشوور لوبنان جیوەجی کریەێد جویر شیوەی سەربازی لە کەرتی غەزە تیەێد، لەڕۊ رەفتارکردن وەگەرد ژیرخان و ناوچەیل نیشتەجیبوین.