شەفەق نیوز - قودس
میدیایەیل راگەیانن ئیسرائیلی، ئمڕوو یەکشەممە، ئاشکرا کردن، کە تەلئەبیب چەودیاری دامەزراوە ناوەکییەیل ئیران لە نەتەنز و فۆردۆ و کویەی مەعوەل کەێد لە ناو مەزەنەیل سەربازی کە تاران دەس نەکردگەسەو چالاکییگ ناوەکی فراوان لە دامەزراوە قایمکریاگەیل.
راگەیانن ئیسرائیلی لە وەرپرسەیلەو وتگە: دووارە وازکردن دەروازەیل دامەزراوە ناوەکییەیل لەژیر زەۊی هەوەجە وە جۊلەیگ سەربازی کەێد، لە وەختیگ کە سەرۆک ئەرکان سوپای ئیسرائیلی باوەڕ دیرێد وە هەوەجەی گەڕیگ سەربازی وەرد ئیران، وەلێ وە بەشداری ئەمریکا.
وەپەی راگەیاننەگە، سەردان سەرۆک مۆساد ئەرا واشنتۆن ئامانجی پیشکەشکردن زانیارییەیل و دەسکردن هەماهەنگییە وەرد وڵاتەیل یەکگرتگ لەباوەت دۆسیەی ئیرانی، لە وەختیگ تەلئەبیب زانیارییەیل ئەرا واشنتن بردیە لەباوەت پلانەیل ئیران ئەرا ئامانجگردن وەرپرسەیل ئەمریکی.