شەفەق نیوز - تاران

تەلەفزیۆن فەرمی ئیرانی، شەوەکی ئمڕوو یەکشەممە، خەوەردا لە کوشیان کەسیگ و زەخمداربۊن 3ی تر وە مدوو رۊوەڕۊبۊنەو کەشتییگ بازرگانی ئیرانی ئەرا پەلاماریگ لە وەرانوەر کەنارەیل دەورگەی "قشم"، لە سای وەردەوامبۊن ئاڵووزییە ئەمنییەیل لە ناوچەگە.

و ئی پیشهاتە هاوەختە وەگەرد ئەوەگ میدیایەیل راگەیانن ئیرانی، لە وەختیگ زۊتر لە شەفەق ئمڕوو، ئاشکرای کردن لەباوەت ژنەفتن دەنگ دوو تەقینەوە کە چۊنیەتییان نەزانریاگە لە خود دەورگە، وەگەرد دەرکردن بڕیاریگ لەلایەن دەسەڵاتەیل ئیرانییەو ئەرا بەسانن رێڕەو باشوور لە گەروو هورمز.

 ئی رۊیداوە مەیدانییەیلە هاوەختن وەگەرد لێدوانەیل سەرۆک ئەمریکی دۆناڵد ترەمپ، دۊکە شەممە، کە لەتی وت جەنگ وەگەرد ئیران "فرە زۊ" کووتایی پی تیەێد، وە دووپاتکردن ئەوە کە ویلایەتە یەکگرتگەیل کۆنتڕۆڵ بان گەروو هورمز کەێد.

کۆنتڕۆڵکردن بان گەرووەگە - کە نزیکەی یەک لە پەنج نەفت جەهانی لەلیەو رەد بوود - وە خاڵ ناکۆکی سەرەکی هەژمار کریەێد لەناو ئەو دانوسەنینەیلە کە ئامانجیان داوەزانن ئاڵووزییە لەناوەین هەردوگ لایەنەگە، کە واشنتۆن گلەو خوارد ئەرا کاراکردن کاغەزەیل فشار ئابووری و سزایەیل دۊای پەککەفتن قسەوباسەیل ئەرا دووارە وازکردن رێڕەوە ئاوییەگە.