شەفەق نيوز/ ئاژانس هەوڵی فارس ئیرانی، ئمڕوو دووشەممە، لە زوان وەرپرسیگ ئیرانی وت: ئەوەسا وڵاتەگەی گورزیگ وەشنیێد کە گەورەترینە ئەرا ئیسرائیل.
ئەو وەرپرس ئیرانیە وت: ئیران ئامادەکاری کەێد ئەرا گورز فرە گەورەیگ لە وەختیگ یەکەم جار قەوارەی سەهیۆنی پەلامار جیوەجی کردگە تا ئیسە.
وەرژەیە، ئمڕوو دووشەممە، بنیامین نتنیاهو سەرۆک حکومەت ئیسرائیل دووپات کرد کە چەک ئاسمانی ئیسرائیل زاڵە وەبان ئاسمان تەهران.
نتنیاهو لە قسەگەی وت: روی وەرەو جیوەجیکردن ئامانجەیل سەرکیمان کەیمن، کە لەناوبردن هەڕەشەی ئەتۆمی و مووشەکیە.
وتیش: چەک ئاسمانی ئیسرائیل وەبان ئاسمان تەهرانەو زاڵە، و دیاری کرد کە وە دانیشتگەیل تەهران ئویشیمن شوینەیل خوەدان چووڵ بکەن ئمجا ریکارەیل خوازیاگ جیوەجی کەیمن.
وتیش: ئیمە هایمنە بان ری سەرکەفتن.
وەرژەیەیش، ئمڕوو دووشەممە، مەسعود پزیشکیان سەرۆک ئیران دووپات کرد کە وڵاتەگەی واز لە دانوسەنین ناورد، بەڵکم چگیمن و دەسوە دانوسەنین ناڕاستەوخۆ کردیمن.
وتیش: وە بەجەری وەرگری لە ماف خوەمان لە وزەی ئەتۆمی کردیمن، و تەقەلا نیەیمن بویمنە خاوەن چەک ئەتۆمی.