شەفەق نیوز/ کەناڵ  "i24 news"  ئیسرائیلی وت: وەرپرسیگ ئەفغانی دووپات کرد ک رەوتیگ لە بزووتنەوەی تاڵیبان وازکردنیگ نشان دا ئەرا دروسکردن پەیوەندی وەرد ئیسرائیل، ئەرا قایمکردن دەسەڵات بزووتنەوەگە و بتەوکردن پەیوەندیەیلی وەگەرد هیزەیل کاریگەر لە جەهان جویر ئیسرائیل.

کەناڵەگە لەزوان وەرپرسیگ ئەفغانی ناوی ئاشکرا نەکرد، تەنیا باس ئەوە کرد ک وەرپرسەگە لە گفتوگۆ وەگەرد خاوەن بڕیارەیل و وەزیرەیلیگ لەناو حکومەت تاڵیبان بەشداری کردیە، وت: لە گامەیل یەکەم، ئەفغانستان گرنگی وە دروسکردن پەیوەندیەیل ژیوەژیر دیەێد، و نووستن ئی دانوسەنینە لە ساڵەیل ئایندە بەر گرێد.

وتیش: ئامانجە کۆتاییەگە ئەرا ئی تەقەلا لەناو تاڵیبان ئەرا رەسین وە رێککەفتنیگ دووانی لەناوبەین هەردوگلا تیەێد، چوینکە خوازن رژیمیان قایم بکەن، ئەراوە خوازن پەیوەندی قایمیگ وەرد هیزەیل مەزن لەناوچە دروس بکەن، و ئیسرائیل وە دەوڵەتەیگ کاریگەر دوینن.

وەرپرسە ئەفغانیەگە وتیش: ئی سیاسەتە روی فەرمییە نییە لە حکومەت تاڵیبان، باوجی رای کەسەیلگە لەناو بزووتنەوەگە، و کەناڵە عبریەگە وتیش: وەزارەت دەرەوەی ئیسرائیل جواو ئی خەوەرەیلە نەیا.