شەفەق نيوز- وەشوینکەفتن 

 وەرپرسەیل کەمبۆدیا، ئمڕوو شەممە، ئاشکرای کوشیان 12 کەس ترەک لە جەنگ وەرد تایلاند، تا شمارەیل قوربانی دوو لایەن ئەرا 32 کەس رەسیە.

قسەکەر وەزارەت وەرگری کەمبۆدیا وت: 7 مەدەنی و5 سەرباز کەمبۆدی لەماوەی دوو رووژ جەنگ گیانیان لەدەسدان، و وەزارەتەگە وەرجەیە کوشتیان پیاییگ راگەیان دویای تویشهاتنی وە مووشەکیگ تایلاندی هەناێ خوەی لەناو پەرستگایگ خوەی شاردوێدەو.

وەرانوەر ئەوە، تايلاند خەوەردا لە کوشیان 6 سەربازی و13 مەدەنی، مناڵ هاناویان، وەگەرد زەخمداری 59 کەس 29 یان سەرباز و30 مەدەنی.

وەگەرد ئی جەنگە، دویەکە جمعە، باڵیۆز تایلاند لەلای نەتەوە یەکگرتگەیل داوای ئاگربەسی کوتوپڕ و لی مەرج کرد، لەناو گردەوبوینیگ بەسیاگ لەلایەن ئەنجومەن ئاسایش، و داوای چارەسەرییگ ئاشتیانە ئەرا جەنگەگە کرد.

باڵیۆز چيا كيو: وت: چوین توومەتبار ئیمە کەن، و ئیمە دەوڵەتیگ بویچگ و سوپای ئیمە سێ گلە لە ئەوان کەمترە، و هاز ئاسمانی نەیریمن تا پەلامار ئی هاوسای گەپە بەیمن؟.

 كيو وتیش: ئەنجومەن ئاسایش داوای ئەوپەڕی خوەیگردن کرد و پەیاکردن چارەسەری دیبلۆماسی، دووپات کرد یە هەمیش هەڵوێست وڵاتەگەیە.

  هیچیگ لەو بەشداربویەیل ترەک لەناو ئەو گردەوبوینە لەبان قسەیل کەمبۆدیا نەهاتە دەنگ.

جی باسە کە جەنگ سنووری ناوەین ئەو دوو و انە لە باشوور خوەرھەڵات ئاسیا لەی دوو رووژ گوزەشتە رەسیە ئاستیگ بیوینە لە ساڵ 2011ەو تا ئیسە، وەگەرد وەکارهاوردن فڕۆکەیل جەنگی و تانک و تووپخانەیل و هیزەیل هشکایی.