شەفەق نیوز/ نرخ یۆرۆ لە فرووشتن و سەنین زوی ئمڕوو دووشەممە، بەرزەو بوی، لە وەختیگ دۆلار ئەرا خوارترین ئاستی داوەزیا لە ژیانی لە دوو مانگ لەوەر رخەیل وەرانوەر ئاسوو ئەوزەڵکردن ئابووری ئەمریکی.

 یۆرۆ لە بەرزەوبوین وەردەوام بوی تا رەسیە بەرزترین ئاستی لە مانگیگ لەپای 1.0528 دۆلار، و لە نووترین فرووشتن و سەنینی رەسیە 1.0512 دۆلار کە وەڕیژەی 0.5 لەسەد بەرزەو بوی.

وەشیوەی گشتی، وەرجە هەفتەیگ دۆلار داوەزیا کە پڕ بوی لە دانایەیل ئابووری ئەمریکی و قسەی بەشیگ لە وەرپرسەیل ئەنجومەن یەدەکی فیدڕاڵی.

بڕەیل فرووش و سەنین ئمڕوو دووشەممە وەگەرد بەسیان بۆرسەیل ژاپۆن جویر پشوویگ فەرمی بوی.