شەفەق نیوز - خوەرهەڵات
ئاژانس "رۆیتەرز" رووژ چوارشەممە، خەوەردا کە سەرۆک وەزیران ئیسرائیلی بنیامین نەتەنیاهوو، پاڵپشتیکردنی زۆرینەیگ ئاشکرا و چەوەڕوگیکريای لە یەهوودیەیل ئیسرائیل وەدەس هاورد لە هەڵوژاردن، کە مەننی لە پۆستەگەی لەلای کەمەو جویر سەرۆک حکومەت وەڕیەوەبردن کاروباره‌یل مسۆگەر کەێد.
دیاری کرد کە وەرد جیاوەکردن نزیکەی 77.6% لە دەنگەیل تا شەوەکی ئمڕوو چوارشەممە، مەزەنەی دەزگایەیل راگەیانن ئیسرائیلی سەرکەفتن بەرەی نەتەنیاهوو نیشان دان، کە پارتییەیل راسڕەو و راسڕەو تونڕەو و پارتییە ئایینییە تونڕەوەیل لەخوەی گرێد، وە گشتی 54 کورسی لە پەرلەمان، وە رەدبوین لە بەرەی ئۆپۆزسیۆن وە سەرکردایەتی رکابەرەگەی گادی ئایزنکۆت کە 49 کورسی وەدەس هاورد.
ئەمما ئەو پارتەیلە کە نۊنەرایەتی ئیسرائیلییەیل لە رەگەز عەرەبی کەن، مەزەنە بوود کە وە گشتی 17 کورسی وەدەس بارن، کە شمارەیگ بیپیشینەس، دۊای هاتنیگ فراوان ئەرا دەنگدان.
هێمان ری هەس ئەنجامەیل ئاڵشت بوون وەرد وەردەوامبۊن پرۆسەی جیاوەکردنەگە، وەلی سەرکەفتن ئایزنکۆت وەرەو دۊرەودان کیشێد وە شیوازیگ زیایدبوین، چونکە ئاست وەرینی کە پارتییەیل دژ وە نەتەنیاهوو لەخوەی گرێد و ئاراستەیان لە چەپڕەوی ناوڕاس تا راسڕەو تونڕەو دەس وەپی کەێد، کەمتر بۊ لە مەزەنەیل راپرسییەیل وەرجە هەڵوژاردن، کە نشان ڕکابەرییگ نزیک دان.
هەرچەن نەتەنیاهوو زۆرینەی فراکسیۆنی لە کەنێست کە لە 120 کورسی بوی لەدەس دا، کە کاریگ مەزەنەکریاگ بۊ، وەلی دی لە وەرانوەر رکابەرەیلی هیچ دەرفەتیگ نەمەنیە ئەرا لاوردنی وەبی پاڵپشتیکردن لە پارتییە عەرەبییەیل وە شیوازیگ لە شیوەیگ، کە یەیش ریە فرەیگ لە سیاسییە یەهوودیەیل دۊری خستەو.
تەنانەت لەی ئەگەرە، نەتەنیاهوو لە پۆستەگەی جویر سەرۆک حکومەت وەڕیەوەبردن کاروباره‌یل مینێد لە ناو هەر گفتوگۆییگ ئەرا دروسکردن هاوپەیمانی، یا تا وەختیگ ئەنجامدان هەڵوژاردنەیل نوو لە ساڵ ئاینده.
نەتەنیاهوو، لە وەختیگ گوزەشتە لە ئمڕوو چوارشەممە، وتۊد کە پارت لێکۆد گەورەترین پارتییە لە ئیسرائیل، و بەرەی راسڕەو خاوەن زۆرینەیگە کە وەسفی کرد وە "گەورە و کاریگەر" و "بڕیاردەر"، وە بانگێشتکردن ئەرا دروسکردن حکومەتیگ نیشتمانی هازدار، وە رەتکردن دامەزرانن حکومەتیگ کە پشت وە لیستە عەرەبییەیا بەسێد.
نەتەنیاهوو، لە وتاریگ کە پێشکەشی کرد دۊای دەرچگن نموونەیل دەنگدان لە هەڵوژاردنە گشتییەیل، وتیش کە ئیسرائیل هێمان چەوەڕی ئەنجامەیل کۆتایی کەێد کە وت ئەوانە نواچگن لێکۆد دووپات کەن، وە دووپاتکردن لەبان هەوەجەبوین یەکگردن زۆرینەی سەهیۆنی و یەهوود و یەکخستن رزەیلیان.
هوشداری دا لە "خستن ئیسرائیل لەناو رخباری" لەڕی دروسکردن حکومەتیگ کە پشت وە لیستە عەرەبییەیل بەسێد کە وەسفیان کرد وە "نا سەهیۆنی"، وە تاوانبارکردن سیاسییەیل و دەزگایەیل راگەیانن وە تەقەلا ئەرا بانگەشەکردن ئەرا ئی گونجانن و ئاساییکردنی.