شەفەق نیوز/ رێکخریاگ تەندروسی جەهانی پیشنیار وەکارنەهاوردن دوو دەرمان دژە تەن کەێد ئەرا کۆڤید 19، گوایە ئەوانە دی چالاک نیین لەوەر زنجیرەیل ئۆمیکرۆن لە ڤایرۆس کۆرۆنا و نووترین لقەیل ئاڵشتبویەیلی.

ئەو دوو دەرمانە لەوەرین کارکردن لەری بەسان پرۆتین ئێسکەپێکەر سارس-کوف-2 ئەرا نەهیشتن توانای ڤایرۆسەگە وەبان تویشکردن خانەیل، ک دەرمانەیل سەرەتایی بوین لەوەخت سەرەتای پەتاگە.

باوجی ڤایرۆسەگە گەشەکرد، بڵگەیل فرەتر لە تاقیگەیل دیاری ئەوە کەن هەردگ دەرمان، سوتروفیماب و کاسیریفیماب-ئیدیفیماب، سنووردارن لە رویوەرویبوینەوەی نووترین ئاڵشتبویەیل ڤایرۆسەگە، لەئەنجام ئیە، دەسەی رێکخسن تەندروسی لە وڵاتەیل یەکگرتوی دوریەوخسن.

زانایەیل رێکخریاگ تەندروسی جەهانی رووژ پەنجشەممە راگەیانن وە تونی پیشنیار کەن ئەو دوانە وەکارنارن ئەرا چارەسەر تویشهاتن وە کۆڤید-19، ئیەش پیچەوانەی پیشنیارەیل وەرینە، ئیە بەشیگە لە پیشنیارە نوویەیلە ک گوڤار پزیشکی بەریتانی بڵاویکردیە.