شەفەق نيوز/ ئاژانس رۆیتەرز، ئمڕوو یەکشەممە، خەوەردا لە کوشیان 14 زانای ئەتۆمی ئیرانی وە پەلامارەیل ئیسرائیل، و میدیایەیل ئیرانی وتن؛ ماشینەیلیگ بومبی لە تەهران تەقیانەسەو.

رۆیتەرز وتیش: 14 زانای ئەتۆمی ئیرانی لەلای کەمەو وە گورزەیل و ماشینەیل بومبی کوشیانە.

سەرۆک ئیسرائیل راگەیان پەلامارەیل وەبان ئیران وەئامانج ئاڵشتکردن خوەرھەڵات ناوڕاس تیەێد.

میدیایەیل راگەیانن ئیسرائیل وبای ویرانکردن بنکەیل سەرکردایەتی و کۆنتڕوڵ ئیرانی کردن، و میدیایەیل ئیرانی خەوەردان لە تەقیان ماشینەیل بومبی نزیک بارەگایەیل حکومەتی لە تەهران.

میدیایەیل ئیسرائیل، ئمڕوو یەکشەممە خەوەردان لە وەشیان بڕیگ مووشەک بالیستی ئیرانی نوو، و فیکەی هوشداری لە تەل ئەبیب کوتیا.

 ئێزگەی سوپای ئیسرائیل لە سەرچەوەیگ سەربازی وت: روانگەی وەشیان 50 مووشەک لە ئیرانەو وەرەو ئیسرائیل کردیمن. 

ئاژانس فارس ئیرانی وەرجە کەمیگ خەوەردا کە بینای گەورەی پولیس تەهران کەفتە وەر گورز ئیسرائیل، و دیاری کرد کە ئیسرائیل دەسکردە پەلاماردان مەدەنیەیل.

 ئاژانسەگە لە خەوەرەیل زویوەزوی وت: ئیمە هایمنە نوای پەلامار ئیسرائیلی نوویگ وەبان مەدەنیەیل لە تەهران پایتەخت.

 وتیش: دەنگ رممەی تەقینەوەیل لە تەبریز ژنەفیا، و دیاری کرد کە ئیسرائیل بیناییگ نیشتەجییوین لە نزیک جادەی کشاوەرز لە تەهران کردە ئامانج.

 هەمیش باس پەلاماریگ ئیسرائیلی لە شار ئاراک کرد.

ئاژانسەگە وتیش: ئەندامەیلیگ لە پولیس ئسرانی لەناو بنکەی خوەیان لە تەهران کریانە ئامانج.