شەفەق نیوز - واشنتۆن

ئاژانس "رۆیتەرز"، رووژ شەممە، لەزوان سێ سەرچەوەی ئاگادار خەوەردا، کە سەرۆک ئەمریکی دۆناڵد ترەمپ لە ماوەی رووژەیل کەم گوزەشتە گەورە راوێژکارەیلی ئاگادار کردگە کە شایەن پەلامار ئیران نەیەێد ئەگەر وڵاتەیل یەکگرتگ رۊوەرۊی هەر ورووژاننیگ نوو نەوود لە تاران یا حووسییە هاوپەیمانەیل وەردی لە یەمەنەو.

 وەرپرسەیل ئیسە و وەرین وتن کە ترەمپ، وەپەی ئەوەگ دیارە، باوەتەگەی یەکلایی نەکردگەسەو لەباوەت چۊنیەتی کۆتاییهاوردن جەنگەگە کە جەماوەرییگ لە وڵاتەی نەیرێد و لە شوبات/ فێبرایەر وەرد ئیسرائیل دەس وەپی کرد.

 "رۆیتەرز" دیاری کرد، کە ترەمپ لە دیدارەیلی وەرد راوێژکارەیل ئاسایش نیشتمانی و دۊای زنجیرەیگ لە زانیارییە هەواڵگرییەیل وتيە، کە هۊر لە وەدویاچگن لە جیوەجیکردن گورزەیل کەێد، و یەیش وەپەی ئەو سەرچەوەیلە کە داوا کردن ناسنامەیان ئاشکرا نەوود، جۊر ئەوانەی ترەک کە دیمانە وەردیان کریا ئەرا ئی باسە.

 وەرپرسیگ لە کۆشک چەرمگ وت: "وە شیوەی فەرماندەی باڵای هێزە چەکدارەیل، سەرۆک ترەمپ مەغز وەڕێوەبەرە و خاوەن بڕیار تاکەس کە کارەیل هاەە دەسیەو، و هەمیشە پاراستن وەرژەوەندییەیل ئەمریکا زامن کەێد".

دیاری کرد کە "وڵاتەیل یەکگرتگ لە هەڵوێستیگ فرە هازدارە وە دەسمیەتی کۆنترۆڵکردنی لەبان تەنگەی هورمز و رمیان ئابووری ئیرانی. تەنیا سەرۆک ترەمپ زانێد چە کەێد و کەی".

 ترەمپ هاوسووزی خوەی نیشان دا وەرد هاوپەیمانەیل لە ناوچەگە کە داوای لەلی کردن گلەو نەخوەێد وەرەو جەنگیگ گشتگیر.

 وەرپرسیگ ئەمریکی گەورە و کەسیگ ترەک ئاگادار لە باوەتەگە ئاشکرا کردن، کە ترەمپ لە ماوەی پەیوەندییەیل تەلەفۆنی کە لە ماوەی دوو هەفتەی گوزەشتە وەڕیەو چگن، داوای رای شازادەی جینشین سعودیە ئەمیر محمد بن سەلمان و سەرۆک تورکی رەجەب تەیب ئەردۆغان کردگە، کە هەردوگیان گاڵی دانە ئەرا دەسنەکردن پەلامارەیل لەبان ئیران.

ترەمپ ئەرا پیشکەشکار وەرزشی ستیڤن ئەی. سمیس رووژ پەنجشەممە وت "تۊنم دەسوەجێ کۆتایی وە باوەتەگە بارم، وەلێ لەبان داواکاری ئەو وڵاتەیلە کە تەقەلای پاراستنیان کەم، ئیمە ئەوە وە شیوەیگ بڕیگ دریژتر کەیمن، و وە شیوەیگ شارستانیتر".