شه‌فه‌ق نيوز/ وه‌زاره‌ت خارجيه‌ى ئيرانى نوێنه‌ره‌يل دبلۆماسى هه‌ر يه‌ك له هۆڵه‌نداو دانيمارك و بريتانيا له ته‌هران چڕێ له‌ئاكام ئه‌و په‌لاماره ك روێدا له شار ئه‌هواز له باشوور خوه‌رئاواى ئيران.
به‌عرام قاسمى قسه‌كه‌ر وه‌ناو خارجيه‌ى ئيرانى وت: وه‌زاره‌ته‌گه له‌ى باوه‌ته‌و، باس ئه‌را هه‌ردوگ باليۆز هۆڵه‌ندى و دانيماركى و وه‌ڕيه‌وبه‌ر وه‌ختى كاره‌يل له باڵوێزخانه‌ى بريتانى كردگه له‌باره‌ى ناڕه‌زايه‌تيه‌يل ئيران له‌بان ئه‌وه‌گ ئه‌و هه‌رسێ حكومه‌ته رێ وه بڕيگ ئۆپۆزسيۆن ئيرانى ئه‌يه‌ن مه‌شق كاره‌يل تيرۆرستى بكه‌ن.
له‌ى باوه‌تيشه‌و، عه‌ميد ئه‌بو فه‌زڵ شكارچى قسه‌كه‌ر وه‌ناو هيزه‌يل چه‌كدار ئيرانى وت: په‌لامارده‌ره‌يل ئه‌و په‌لاماره ك روێدا له ئه‌هواز سه‌ر وه ريكخرياگ تيرۆريستى داعش نيين، به‌ڵكوو په‌يوه‌ندى وه ئه‌مريكاو ئسرائيله‌و داشتنه.