نزیکەی ١٠٠ موسڵمان نماز جەژنیان لە “مزگەفت یێن” یا “مزگەوتی توو” ئەنجامدا، کە دویاترین  نمازخوەنین لە سەرەتای بیسەیل سەدەی کوزەشتە لەناوی ئەنجام دریاس، وەرجە ئەوەگ جەنگ ناوەین یۆنان و تورکیا بوودە مدوو ئاڵشتکردن دانیشتگەیل لە ناوەین ئەو دوو وڵاتە کە بویە مدوو کەمەوبوین شمارەی موسڵمانەیل شارەگە.

ئیسماعیل بەدر ئەلدین، تەمەن 66 ساڵ، ئەرا ئاژانس فرانس پرێس وت: بەختەوەریمن کە ئەرامان واز کریا.

 عەلی تەمەن 23 ساڵ، وت: چوار ساڵ لە شار سەلۆنیک ژیام و یە یەکەمجارە دەرفەت ئەرام باێد وەگەرد خیزانە موسڵمانەگەم لە مزگەفتیگ نماز بکەم”.

 پۆلیس یۆنان لە مەوقەی نماز پاسەوانی مزگەفت میژوویی کرد.

مزگەفت یەنی کە لەلایەن تەلارساز ئیتاڵی ڤیتالیانۆ بۆزێلی لە ساڵ ١٩٠٢ دروس کریاس، لەو سەردەمە لەلایەن ئەندامەیل مەزهەب دۆنمێەوە وەکار هاوریا، کە یەهود بوینە و بوینەسە موسڵمان.

 لە ساڵ 1922 پەنابەرەیل جەنگ یۆنان و تورکیا ئەرا ماوەی کوڵیگ لەو بینا دوو ژووریە داکاسیان، وەرجە ئەوەگ بکریەێدە مۆزەخانە و گەلەری شارەوانی.

 لە مانگ تشرین دویەم ساڵ ٢٠٢٠، یەکەم مزگەفت نوو لە شارەگە وە فەرمی واز کریا دویای تەواوکردنی، کە زیاتر لە دە ساڵ وەپی چگ، دروسکردنەگەی کەفتە نوای دژایەتییگ تون لە کەنیسەی ئۆرتۆدۆکس هەمیش لەلایەن گروپە ناسیۆنالیستەیل.