شەفەق نیوز/ وەزارەت کارەبا و ئاو و وزەی نووەوبوی لە کوێت، ئمڕوو یەکشەممە، بڕیان کارەبا لە چەن ناوچەیگ نیشتەجییوین و پیشەسازی و کشتوکاڵی راگەیان، لەوەر گیچەڵیگ لە رەسین گاز.
وەزارەتەگە دیاری کرد کە بڕیان کارەباگە وە تاق بڕیەێد ئەرا سووکەوکردن بارەیل لەبان تووڕەگە لە وەخت لویتکە ناوەین ساعەت یانزەی شەوەکی و پەنج ئیوارە.
وتیش: ئەرا چەن ساڵیگە یە یەکەمین جارە ئی کارە بوود، لەئەنجام زیایبوین شمارەی دانیشتگەیل، و فراوانی بیناکردن، بەرزەوبوین پلەی گەرمی، و دیرکەفتن خاسەوکردن بەشیگ لە ویستگەیل کارەبا.
بڕیان کارەبا چەن ناوچەیگ بڕ لە دانیشتگەیل گردەو، حەی جلیب شیوخ، حەولی، سالمیە، موبارەک گەورە، سوباح ئەحمەد، وەگەرد ناوچەیلیگ پیشەسازی و کشتوکاڵی.
ئی قەیرانە لەسای مەزەنەی بەرزەوبوین پلەی گەرمی لە کوێت ئەرا ٥٣ پلەی سەدی تیەێد، کە زوو وەبان تووڕ کارەبا لەو وڵاتە تیەرێد.