شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن دوو مردن لەوەر ڤایڕۆس کۆڤید-١٩.

دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا ژنیگ لە حەسەکە و پیاویگ لە قامیشلۆ تۆمار کریان.

موستەفا دووپات کرد ک ٤٣ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٢٠ پیاو و ٢٣ ژن تۆمار کریا، و هەمیش وەگەرد چوار خاسەوبوین.

تووشهاتنە نووەکان وەیجوورە بەشەو بوین: ١٧ حەسەکە، ١٠ قامیشلۆ، ٦ دێرک، ١ عامودا،  ٥ دەرباسیە، ٢ ریقە، ١ مەنبج،  ١ کامپ هۆل.