شەفەق نیوز- دیمەشق

دوو کەس کوشیان و پەنج کەس تر زەخمدار بۊن، رووژ سێشەممە، وە مدوو تەقیان ماشینیگ بارکریاگ وە تەقەمەنی لە شار بنش لە دەیشتایی ئدلب باکوور خوەرئاوای سووریا، وەپای ئاماریگ سەرەتایی.

سەرچەوەیگ ئەمنی ئەرا پەیامنێر ئاژانس شەفەق نیوز وت، کە "ماشینیگ بارکریاگ وە تەقەمەنی لەناو شار بنش تەقیەسەو"، لە وەختیگ پەیامنێرەگە خەوەردا لە ژنەفتن چەن رممەیگ یەک لەدۊای یەک دۊای رۊیداوەگە، لە ناوڕاس رەوشیگ لە ترس لەناوەین دانیشتگەیل.

لەلای خوەیەو، وەڕیەوبەرایەتی فریاکەفتن و ئیدارەی کارەساتەیل لە پارێزگای ئدلب، خەوەردا لە کوشیان دوو کەس و زەخمداربۊن پەنج کەس تر وە مدوو تەقینەوەگە، و ئاماژە دا کە ئامارەگە سەرەتاییە و شایەت بەرزەو بوود.

وەپای زانیارییە سەرەتاییەیل، تەقینەوەگە مەوقەی بۊن ماشینە بارکریاگەگە وە تەقەمەنی لەناو شارەگە رۊی داگە، لە وەختیگ تا ئیسە وردەکارییەیل رۊیداوەگە و ئەو لایەنە کە ماشینەگە سەروە پیە دیار نییە.

شار بنش کەفێدە گوندەوار ئدلب باکوور خوەرەڵاتی، لە دویری نزیکەی 7 کیلۆمەتر لە شار ئدلب، نزیک ئەو ریە کە ئدلب و سەراقب وە یەک بەسێد.