شه‌فه‌ق نيوز/ بڕياره ك سيرغى لافرۆف وه‌زير خارجيه‌و سيرغى شويغۆ وه‌زير وه‌رگرى رووسى له قاهيره‌ێ پايته‌خت مسر چه‌ويان بكه‌فێده عه‌بدولفه‌تاح ئه‌لسيسى سه‌رۆك مسرى و شماره‌يگ له وه‌پرسه‌يل تر باڵاێ ئه‌و وڵاته‌و چه‌ويانيش بكه‌فێده ئه‌حمه‌د ئه‌بولغه‌يز ئه‌ميندار گشتى كۆمكار ده‌وڵه‌ته‌يل عه‌ره‌بى.
له‌ى باوه‌ته‌و، ئاژانس سبوتنيك رووسى وت: ئى سه‌ردانه دو رووژه دريژه ئه‌كيشێد و له‌تى دانيشتنه‌يليگ مسرى - رووسى ئه‌نجام ئه‌دريه‌ێد له چوارچيوه‌ى شيواز 2 + 2 و دقه‌ت له‌بان كيشه‌و قه‌يرانه‌يل هه‌رێمى ئه‌كا له هه‌ر يه‌ك له سوريا و ليبيا و يه‌مه‌ن و عراق وه‌ل هه‌ڵويسته‌يل مسرى و رووسى له وه‌رانوه‌ر روێداگه‌يل.
جى باسه، ئاژانس ناوبرياگ باس له‌وه‌يش كرد ك له‌و دانيشتنه‌يله مه‌سه‌له‌ێ ترۆر و روێداگه‌يل ئى دوياخر ترۆريسته‌يلشه تاوتوێ ئه‌كريه‌ێد ك روێدا له مسر بيجگه باسكردن كرده‌وه‌يل تر ترۆريستى له بڕيگ له پايته‌خته‌يل وڵاته‌يل تر ئۆرپى.