شەفەق نیوز/ سوپای ئیسرائیل، ئمڕوو جمعە، نواگیریکردن مووشەکیگ راگەیان کە لە یەمەنەو وەشیاس، وەگورەی بەیاننامەیگ باس کوتیان فیکەی هوشداری لە گشت ناوچەیل ناوڕاس ئیسرائیل کوتیا، کە گەورەترین کوو شار جرکەو لە قودس و تەلئەبیب، دویای ئاشکراکردن وەشیان مووشەکەگە.
وتیش: ئاگاداری رەسیە لە کەفتن پەراشەیل مووشەکەگە دویای نواگیریکردنی لە ناوچەی مودیعین ناوڕاس ئیسرائیل کە کەفێدە ناوەین قودس و تەلئەبیب.
پولیس مینەی پارچەی مووشەکەگە کەێد تا بزانێد لە کوو کەفتیە و کاریگەریی چە بویە.
لەی هەفتەیل دویاییە حووسیەیل یەمەن کە لە ئیرانەو پاڵپشتی کریانە، چەن گلەیگ مووشەک ئەرا ئیسرائیل وەشانن.