شەفەق نیوز ـ کابول/ئسلام ئاباد
دویای هەفتەیگ لە جەنگ سەختیگ لەبان سنوور ناوەین هەردووگ وڵات پاکستان و ئەفغانستان، ئمڕوو یەکشەممە، هەردووگ وڵات لەبان ئاگربەست رێککەفتن.
ئژانس خەوەری رۆیتەرز بڵاویکرد، رێکەفتنەگە لەدەحە راگەینیاس و وەزیر وەرگیری پاکستان خواجە محەمەدپشتراس ئاگربەستەگە کردیە.
دیاریکردیە، بڕیارە لە 25ی تشرین یەکەم لە ئەستەنبوڵ کووبوینەوەی زیاتر ئەرا تاوتوێکردن هویردەکاریەیل ئاگربەستەکە وەڕێوەبچوود.
جی باسە، رویوەرویبوینەیل ئێ دویاییە ناوەین ئەفغانستان و پاکستان بویە مدوو کوشیان دەیان کەس و زەخمداری سەدان کەس، کە وە مدوو زیایبوین پەلامارەدانەیل چەکدارەیل سەر وە بزووتنەوەی تەحریک تاڵیبان ئەفغانستان، وەبان پێگە سەربازییەیل پاکستان وەبان سنوور، دەوەپیکرد.