شەفەق نیوز/ وەڕیەوبەرایەتی زانست پەتایی و نواگیریکردن بیماریەیل لە وەزارەت تەندروسی وڵات مەغریب، ئمڕوو جمعە، راگەیان کە بیماری سێریژە بویە پەتا، دویای توومارکردن 25 هەزار تویشهاتن و 120 مردن.

سایت "هسبريس"  لە زوان وەڕیبەر محمد ئەليوبي وت: "رەوش ئیرنگەی بڵاوبوین بیماری سێریژە الحالية کە لەناو مەردم مەغریب وە بیماری (بوحمرون) توانیمن  بویشیمن بویەسە پەتا"، وتیش:  "ناسانن پەتا ئەو بڵاوبوین نایاساییە ئەرا ڤایرۆسیگ یا بیمارییگە".

ئەلیوبی وتیش: "رەوشەگە نایاساییە، کە سەرەتای بڵاوبوین بیماریەگە لە سیپتەمبەر 2023، 25 هەزار تویشهاتن تووکار کریا، لە وەختیگ کە جاران مەغریب ساڵانە سێ تا چوار تویشاهان توومار کردیاد".

لەباوەت مردنەیل، ئەلیوبی دووپات کرد کە "تا رووژ یەکشەممەی گوزەشتە، 120 کەس لە ئەنجام تویشهاتن وە بیماریەگە مردن"، دیاری کرد کە "فرەی مردنەیل لەناو زاڕووەیل خوار پەنج ساڵان بوی، و گەورەیل ئەوبان 37 ساڵان".

وتیش: "مەغریب پابەند بوی ئەرا لەناوبردن سێریژە لە ئاست جەهانی، کە ریژەی کوتیان واکسین لە 95% زیاتر بوی، وەلێ وەگەرد داوەزیان ئی ئاستە، بیماریەگە دەسکردە بڵاوبوین فراوانیگ".