شەفەق نيوز/ شێخ کازم فەرتووسی قسەکەر کەتائیب سەید شوهەدا، ئمڕوو یەکشەممە، رازی نەوی لەبان پەلاماردان ئی دویاییە لەلایەن ئەمریکا وەبان ئیران باێدە دەنگ، دووپات کرد کە ئیران ماف خوەیە لەبان هەر پەلاماریگ وەبانی وەڵام بەێدەو، و تا ئیسە جەنگەگە نەوسیاسەو.

 فەرتووسی ئەرا ئاژانس شەفەق نیوز وت: ئەمریکا لەی جەنگە بەشدارە و دویر نییە لە نووەوبویەیل سەربازی لە ناوچەگە، دیاری کرد ئیرنگە کەتائیب هویچ قسەیگ نەیرێد، و هەڵوێستیگ فەرمی لەبان ئی نووەوبویەیل دویاییە نییە.

 دویەکە شەممە، ئیسرائیل کوشتن یاوەر حەسەن نەسرولڵا سکرتێر گشتی وەرین حزبولڵا وە گورزیگ ئاسمانی لە ئیران راگەیان، کە ئەویش ئەبو عەلی خەلیل بوی، و حەیدەر مووشەکی سەرکردە لە کەتائیب سەید شوهەدا وەگەردی بوی.

شەفەق ئمڕوو، ئەمریکا گورزەیل ئاسمانیی وەبان دامەزراوەیل ئەتۆمی ئیران لەناو خاک ئیران وەشان، لەلییان دامەزراوەیل نەتەنز، فوردو، ئەسفەهان، وە گەلەیل ستراتیژی و بومبەیل دژوە قەڵغان، ئەوەیش وە هەماهەنگی وەرد ئیسرائیلەو.

تەهران باس ئەو پەلامارەیلە کرد کە دوژمنایەتیی رویوەڕوی و شکانن یاسای ناودەوڵەتیە، و ماف خوەی ئەرا وەڵامدان هەڵگرد، لە وەختیگ دۆناڵد ترەمپ سەرۆک ئەمریکا داوای ئارامکردن رەوشەیل کرد، و هوشداری کرد لە وەڵامدانیگ بەرزتر ئەگەر پەلامارەیل ئیران وەبان بەرژەوەنیەیل ئەمریکا یا ئیسرائیل وەردەوام بوی.