شەفەق نيوز/ وەزارەت دەیشت ئیران، ئمڕوو جمعە، نفرەت لەو سزایەیل نووە کرد کە واشینتۆن لەبان تەهران چەسپان.

رووژ پەنجشەممە، وەزارەت دەیشت ئەمریکا راگەیان کە سزایەیل نوویگ لەبان کەرت بیناسازی لە ئیران چەسپانیە، وەگەرد 10 مادەی پیشەسازی کە ئەرا سەربازی خوەن.

لە وەڵام ئەوە، ئیسماعیل بەقائی قسەکەر وەزارەت دەیشت ئیران وت: سزا نووەیل ئەمریکا لەبان تەهران گومان زیاتر هەردو بان ئامادەیی واشینتۆن ئەرا چگن وەرەو ناو دیبلۆماسی.

 بەقائی وەو سزایەیلە وت: یاسایی نیین و دوژمنایەتیین وەبان گەل ئیران.

وتیش: ئی رەفتارە وەگورەی ئەوە کە نایاسایی و تا مرۆییە هەمیش چزدەرە، کە ئەو سزایەیل چەن قاتی و ریکاری کە ئەمریکا لەبان ئیران چەسپنێد دروس کریاس تا گشت هاوڵاتییگ ئیرانیلە مافەیل مرۆیی سەرەکیی بیبەش بوود.

بەقائی لە کۆتایی وت: ئی سزایەیلە شەو پەنجەم چین لە گفتوگۆ ناڕاستەخۆ ناوەین ئیران و ئەمریکا راگەیانن، گومان زیاتر دروس کەن لەوە کە واشینتۆن وەڕاسیەو خوازێد بچوودە ناو دیبلۆماسی.