شەفەق نیوز/ وەرپرسەیلیگ لە فەرمانگەی کشتوکاڵی قەزای شێخان لە پارێزگای دهۆک، ئمڕوو دووشەممە، هووشداری لە مەترسیەیل ئەو هشکییە دان ک هەڕەشەی بووسانەیلیان دەێد، ئەوەیش دویای داوەزین رێژەی وارانەیل ئی وەرزە.

وەزارەت کشتوکاڵی هەرێم کوردستان، نیاز کۆبونەوەیگ راوێژکاری ئەرا ئمڕوو دووشەممە دیرن، ئەرا تۆێژینەوەی رەوشەیل هشکیەگە لە هەرێم، هەمیش لە باسکردن وەگەرد لایەن ئیران لەی باوەتە.

تارق مەولوود وەڕێۆبەر کشتوکاڵی شێخان ئەرا ئاژانس شەفەق نیوز وت: رێژەی وارینەگەی ئەمساڵ رەسیە ٣٠٠ ملیمەتر، ک خوەی وەگورەی پارەکە رێژەی کەمیگە ک رەسیە ١٠٠٠ ملیمەتر. وتیش؛ ئەگەر تا ٢٥ نیسان نەوارێ هشکیەگە زەردە کشتوکاڵی دەێد.

لەلای خوەییش بەرەکات خەلیل وەرپرس یەکێتی کشاورزەیل کوردستان لەلای ئاژانس شەفەق نیوز داوای دابینکردن ئامێرەیل ئاوداین گەنم کرد، وتیش؛ لق یەکێتییەگە لە شێخان وەشیوەیگ فەرمی داوا لە رێکخراوە پەیوەندیدارەکان و حکومەت کرد ئامێرەیلیگ ئاویاری دابین بکەن لەبان وزەی خوەر كار بكەن.