شەفەق نیوز/ وەڕێۆبەرایەتی هاتووچو پارێزگای دهۆک، زیاتر لە ٢٥٠ رووداو هاتووچو تۆمار کرد ک دەیان کەس لەلیان بوینە قوربانی، ئەوەیش لە سەرەتای ساڵ ٢٠٢٢ تا کۆتایی مانگ نیسان گوزەیشتە.
ئەوەیش لە کۆنگرەیگ رۆژنامەوانی هات ک موقەدەم ئازاد تەها قسەکەر هاتووچەو لەناوی راگەیان پلان وەڕێۆبەرایەتیەگە ئەرا جەژن رەمەزان، و وت: ئەندامەیل وەڕێۆبەرایەتیەگە هاتە ئامادەباشی تەواویگ ئەرا مقەیەتیکردن گیان هاووڵاتییەیل لەماوەی رووژەیل جەژن، و ئەوەسا لە گشت ترافکلایتەیل بڵاوە بوون.
و نشان دا ک هەر ماشینیگ لە رووژەیل جەژن گیری باریەێد تا دویای جەژن مەرەقەز کریەێد، و هەماهەنگی وەگەرد گشت دەزگا ئەمنیەکان ئەرا سەرکەفتن پلان جەژنەگە کریاگە.
لەلاییگ تر لە کۆنگرەگە، قسەکەر وەڕێۆبەرایەتی هاتووچو راگەیان ئەماریگ ئەرا رووداوەیل هاتووچو لە ماوەی چوار مانگ گوزەیشتە لە ساڵ ٢٠٢١ و وت: لە سەرەتای ساڵ ٢٠٢١ تا کۆتایی مانگ نیسان ٢٥٠ رووداو هاتووچو کەفتگە، و بوینەسە هووکار کوشیان ٢٩ کەس وزەخمداربوین سەخت ٢٨٢ کەس تر.