شەفەق نیوز/ تیمیگ پزشکی میسری، تۊنست مۆبالیگ لەناو گەیەی گەنجیگ درارێد، ک وەرجە ٢٠ روووژ قۊتی داگە.      

پزشکەیل خەسەخانەی کەفر زەیات لەپارێزگای غەربیە باکوور میسر، سەرسام بۊن هەنای گەنجیگ هاتە ناو خەسەخانەگە و زیان لە ژان ناوزگ دیرێد، و وەشکین تیشک ئەرای ئەنجام دان، و چشت ئەڵاجەۊییگ لەناو گەیەی بۊ. 

وەکوتپڕ پزشکەیلە بڕیار نەشتەرگەری ئەرای دان، تا ئەو چشتە درارن، و دەرچگ ک مۆبایلیگ لەناو گەیەی بۊە.  پزشکەیلە وتن: ئەو مۆبایلە ئەرا ماوەی ٢٠ رووژ لەناو گەیەی بیمارەگە بۊە، ک گرفتەیل گەورەیگ ئەرای دروس کرد. 

ئیدارەی خەسەخانەی کەفر زەیات وتن: بیمارەگە ئیسە تەندروسیی جیگرە، و لە خەسەخانە دەرچگ.