شەفەق نیوز/ دیوان سەرۆک حکحون ئیسرائیل بنیامین نتنیاهو، ئمڕوو شەممە، راگەیان کە فڕۆکەیگ بێفڕۆکەوان پەلامار ماڵ نتنیاهو داگە.

دیاری کرد کە فرۆکەیگ بیفرۆکەوان لە لوبنانەو وەشیا، و داگە لە ماڵ نتنیاهو لە قیساریا.

سایت "واللا"ی عیبری وت: ئەو دڕۆنە کە داد لە ماڵ نتنیاهو لە قیساریا، هەرچەن باڵگرەیل ئیسرائیل کەفتنە شوینی، وەلێ رەسیە ماڵەگە و تەقیەو.

لە وەختیگ کەنا 12 لە زوان سەرچەوەیگ لە نویسنگەی نتنیاهو وت: سەرۆک وەزیرەیل و ژنەی مەوقەی تەقیان دڕۆنەگە لەماڵ نەوینە.

رووژنامەی "يديعوت ئەحرونوت" عیبری وت: فڕۆکەیگ بێفڕۆکەوان نزیکەی ٧٠ کیلۆمەتر لە لوبنانەو باڵ گرد، و داد لە بینایگ لە قیساریا، و پەراشەی داد لە بینایگ لە شانی، لە وەختیگ نویسنگەی نتنیاهو ئاشکرا نەکرد ئەگەر سەرۆک وەزیرەیل لەو ناوە بویە.