شه‌فه‌ق نيوز/ وه گووره‌ى ئاماره‌يل حكومى و ئاماره‌يليگ ك چه‌ودێرى كه‌شتيه‌يل ئه‌كا، ئه‌وه ده‌ركه‌فت ك داهات گه‌ورا بسينه‌يل نه‌فت ئيرانى له ئاسيا داوه‌زيه ئه‌را نزمترين ئاست له په‌نج ساڵ له‌مانگ ئومتۆبه‌ر ته‌شرين يه‌كه‌م ك چين و يابان و كۆرياى باشوور سه‌نديان وه ته‌واوى كه‌مه‌و كردنه وه‌رجه سزايه‌يل ئه‌مريكى له‌بان ته‌هران.
وه گووره‌ى ئه‌و ئاماره‌يله، وڵاته‌يل چين و هند و يابان و كۆرياى باشوور له مانگ گوزه‌يشت نزيكه‌ى 762 هه‌زار به‌رميل رووژانه له ئيران سه‌ندنه، ئه‌ويش وه داوه‌زين 56.4 له‌سه‌د له‌بان بنه‌ماى ساڵانه.
جى باسه، ئى داوه‌زينه نزمترين ئاسته له ته‌شرين يه‌كه‌م 2013ه‌وه تائيسه له‌وه‌ختيگه‌و ك گه‌شته‌يل وه‌رين له سزايه‌يل ئه‌مريكى و ئۆرپى بويه هووكار كه‌مه‌وكردن هه‌نارده‌ى نه‌فت وڵاته‌گه ك وڵاته‌يل ناوبرياى ته‌نيا موڵه‌ت 180 رووژ زيايه وه‌پيان دريا ئه‌را سه‌ندن نه‌فت له ئيران و يه‌يش بويه هووكار داوه‌زين داهات نه‌فت ئيران له ئاسيا.