ئیوارەی رووژ پەنجشەممەی گوزەشتە، شەش کەس کوشیان و زیاتر لە ٢٠ کەسیش زەخمدار بوین لە ئەنجام تەقیان بومبیگ دانریاگ نزیک مەزارە شیعەگە، وەگورەی راگەیانن دەسەڵاتەیل سوریا.

داعش لە بەیاننامەیگ لەبان تلیگرام، رووژ جمعە پەخشی کرد وت: جەنگاوەرەیلی سەرکەفتگ بوینە لە رەدبوین لە ئاسایشە سەختیەیل لە ناوچەگە، و توەنستنە ماتۆرسکڵیگ لەورا گیر بارن و تەقاننەی بان زیارەتچیەیل شیعە.

دەسەڵاتەیل سوریا لەی رووژەیل دویاییە ریکارەیل ئاسایش لە ناوچەی سەیدە زەینەب لە ئیوارەی عاشوورا سەختەو کردن.

ریخریاگ داعش هەمیش راگەیان ک جەنگاوەرەیلی لە رووژ سێشەممەی گوزەشتە وە خود شیوەگە توەنستن تەقینەوەیگ تر لەبان پاسیگ وەخود شیوەگە نزیک خود ناوچەگە جیوەجی بکەن، و بویە هوکار کوشیان دوو زەخمدار لەلای کەمەو، و ویرانکردن پاسەگە.