شه‌فه‌ق نيوز/ هووكاره‌يل دعايه‌كردن سه‌ر وه ريكخرياگ ترۆريستى داعش، گرته‌يگ ڤيديۆيى بڵاو كرد و له‌تى يه‌كيگ له ترۆريسته‌يلى نامه‌يگ هه‌ڕه‌شه ئاراسته‌ێ دوناڵ ترامپ سه‌رۆك ئه‌مريكى كرد.
له‌و ڤيديۆێ بڵاوكرياگه، ئه‌بو ساڵح ئه‌لئه‌مريكى ك وه‌ڕه‌گه‌ز ئه‌فريقيه، وه زووان ئنگليزى وشدارى دا سه‌رۆك ئه‌مريكى وه ئه‌وه‌گ جه‌نگ له‌بان ئسلام ك له‌لايه‌ن ماڵ چه‌رمگه‌و ئه‌نجامى دا وڵاته‌يل يه‌كگرتگ فيشتر كزه‌و كرد.
ئى تونڕه‌و ئه‌مريكيه جه‌خت له‌وه كرد ك ترامپ له‌ساێ وتاره سه‌ليبيه‌گه‌ێ چيه‌سه ماڵ چه‌رمگ و له هه‌مان وه‌خت وه "سه‌گ رووم" تاريفى كرد له‌وه‌ر كينه‌تى له‌بان موسڵمان و وت: تن شاره‌يل ئازاد نه‌كردێد به‌ڵكوو وه په‌لاماره‌يلد ويرانيان كردێد چوينكه كه‌وڕخنترێد له‌وه‌گ جه‌نگ وه‌لمانا بكه‌ێد و جه‌نگد له‌بان ئسلام له‌يوا له وڵاتد كرد كه‌متر ئارام بوود و ملله‌ته‌گه‌ديش خستێده ئاژاوه.
جى باسه، داعش داوا له موسڵمانه‌يل ئه‌مريكى كرد تونترن سزا ده‌رهه‌ق خاچ په‌رسه‌يل ئه‌نجام بيه‌ن وه‌ل جوه‌جيكردن په‌لاماره‌يل تازه له ناو خاكه‌يل وڵاته‌يل يه‌كگرتگ.