شه‌فه‌ق نيوز/ چه‌ودێر سورى ئه‌را مافه‌يل ئاده‌ميزاد، ئاشكراى ئه‌وه كرد ك ريكخرياگ ترۆريستى داعش له‌سێداره‌داين وه‌جه‌م ده‌هه‌ق 3 كه‌س ئه‌نجام داگه ك ديل بوينه له‌لاێ.
چه‌ودێره‌گه له به‌ياننامه‌يگ ئه‌را شه‌فه‌ق نيوز وت: له‌سێداره‌داين ئه‌و سێ كه‌سه له ريف پاريزگاى ئدلب ئه‌نجام گرتگه ك سێ چه‌كدار ئه‌و ريكخرياگ ترۆريستيه سێ كه‌س له سوپاێ سورى دانه له‌سێداره له‌ڕى سه‌ربڕين و جياكردنه‌وه‌ێ سه‌ره‌يليان له لاشه‌يان.
جى باسه، يه‌يش يه‌كه‌مجاره ئى كرده‌وه‌ێ له‌سێداره‌داينه ئه‌نجام بگرێد ده‌رهه‌ق هيزه‌يل رژيم و چه‌كداره‌يل سه‌ر وه‌و رژيمه له‌لايه‌ن ئه‌و ريكخرياگه‌و له‌وه‌ختيگه‌و له‌و پاريزگاى ناوبرياگه راو نريانه له‌لايه‌ن هيزه‌يل رژيمه‌و، وه‌لێ وه‌رجه چه‌ن رووژيگ تويه‌نستن له‌نوو بانه پاريزگاگه‌و بڕه‌سنه شار شنگاڵ وه نزيكه‌ى دويرى 15 كم له ته‌ياره‌خانه‌ێ سه‌ربازى ئه‌بولزهور و ئه‌نجامداين جه‌نگ سه‌ختيگ دژ هيزه‌يل رژيم سورى.