شەفەق نیوز/ میدیایل راگەیانن نزیک لە ئیدارەی سەروەخوەیی کورد لە سوريا، ئمڕوو سێشەممە، وتن: هیزە ئەمنییەیلە دویەشەو لەناو کامپ هۆل، تەرم سێ ژن پەیا کردن ک لەناو کامپەگە کوشیانە، و ناسنامەی یەکیگیان عراقیە.
هیمان ناسنامەی ئەو دوو تەرمەگە دیار نیە، تا شمارەی کوشیایل ماوەی ساڵ ٢٠٢٢ بڕەسێدە ٩ کەس.
میدیایلە لە زوان سەرچەوەیگ ئەمنی وتن: یەکەم تەرمەگە ک لە بەش یەکەم پەیا کریا تەرم خانمیگ عراقیە وەناو سوریە عەواد عوەید، لە داڵگبوی عراق/ بەعاج ١٩٨٢، وە دوو گولە یەکیگ لە سەری و ئەوەکە لەشانی کوشیاگە، و ئەو دوو تەرمەگە هیمان نادیارن، ک هەریەکیان گولەیگ لەسەری دریاگە.
خود سەرچەوەگە وت: ئی تاوانەیلە کردەوەی شانەیل داعشە ک لەو ژنەیلەسە لەناو کامپ هۆل، لەوانەگ خوازن هۊر داعش لەناو کامپەگە بڵاو بکەن، ئەوەیش وەیجۊرە تاوانەیلیگ لەبان هەرکەسیگ تەقەلای قورتاربوین لەی تونەڕەوەیە بەێد.