شه‌فه‌ق نيوز/ نوێنه‌ره‌يل داواكارى به‌رازيلى 11 كه‌س تومه‌تبار كردن وه داناين پلان ئه‌را دامه‌زرانن شانه‌ى ريكخرياگ داعش له به‌رازييل و هه‌وڵ وه‌سه‌ربازكردن تونڕه‌وه‌يل وه‌خاتر كلكردنيان ئه‌را سووريا.
له‌ى باوه‌ته‌و رۆيته‌رز ك شه‌فه‌ق نيوز ئاگادارى بوى، وت: پۆليس ئه‌و 11 كه‌سه ئاشكرا كردگه ك گومان له‌ليان كرياگه له تونڕه‌وه‌يل سه‌ر وه ريكخرياگ داعش بوينه له‌ڕێ ئاڵشت وئوڵشت نامه‌وه له‌بان ماڵپه‌ڕه‌يل په‌يوه‌ندى كۆمه‌ڵايه‌تى ئه‌ويش دوياى ئه‌وه‌گ پۆليس ئسپانى شماره‌ى تليفۆنه‌يليان ده‌رخستگه له‌وه‌خت گرتن يه‌كيگ له‌ليان له ئسپانيا.
روێته‌ر وت: وه گووره‌ى به‌ڵگه‌يگ بڕيگ له‌و گومانليكرياگه‌يله باس له دامه‌زرانن شانه‌ى تيرۆريستى كردنه له‌ڕێ واتساپ و ساڵ گوزه‌يشت پلان ئه‌را په‌لامارداين پيه‌ڵ له‌نده‌ن دانانه بيجگه په‌لامارداين شوونه‌يل تر جياجيا.