شه‌فه‌ق نيوز/ ناوه‌ند ره‌سانن شماره‌يى ئاشكراى ئه‌وه كرد ك ئه‌ندامه‌يل ريكخرياگ تيرۆريستى داعش تايسه‌يش له سه‌كوويگ شماره‌يى ئه‌را سه‌كوويگ تر جيواز بوون دوياێ قه‌يه‌غه‌كردنيان له‌لايه‌ن ئداره‌يل بڕيگ له ماڵپه‌ڕه‌يل ئه‌را بڵاوكردنه‌وه‌ى مه‌نشووره‌يليان.
له‌ى باوه‌ه‌و، تيم ناوه‌نده‌گه وت: ئه‌و سه‌كوو تازه ك ئاشكرا كريا تاكه‌يليگ له ريكخرياگ داعش ئه‌يه‌رنه‌ێ كار ئه‌را دعايه‌ێ بڵاوكرياگه‌يليان سه‌كوو ئه‌مازۆن درايڤه ك له‌لايه‌ن په‌يمانگاى توێژنه‌وه‌ێ هووكاره‌يل ره‌سانن له خوه‌رهه‌ڵات ناوين جه‌خت له‌لێ كرد وه ئه‌وه‌گ ئه‌ندامه‌يل داعش ڤێديۆيه‌يليان له‌تى بڵاو ئه‌كه‌نه‌و.
جى باسه، ناوه‌نده‌گه هه‌ميش وت: ئه‌مازۆن درايڤ Amazon Drive خزمه‌تيگه تايبه‌ت وه ماڵپه‌ڕ جه‌هانى ئه‌مازۆن ك له‌ساڵ 2011 دامه‌زريا ك ناسريا وه ئه‌مازۆن كلاود داريف Amazon Cloud Drive ك تويه‌نريه‌ێد وێنه‌ى به‌شداربويه‌يل و گرته‌يل ڤيديۆيى تايبه‌ت له‌تى خه‌زن بكريه‌ێد بيجگه مه‌له‌فه‌يل تر.