شه‌فه‌ق نيوز/ غوڵام حسێن محسنى ئاجه‌ئى قسه‌كه‌ر وه‌ناو دادگاى ئيرانى، گومان له ته‌ندروسى ئه‌قڵى مه‌حمود ئه‌حمه‌دى نه‌ژاد سه‌رۆك وه‌رين ئيرانى كرد و له هه‌مان وه‌خت ئاشكراى ره‌ته‌وكردن پيشنيار ئيمامى كاشانى خوتبه‌ده‌ر جومعه‌ى ته‌هران كرد له‌لايه‌ن دادگاوه ئه‌را حوكمكردن له‌ناونى سه‌رۆك وه‌رين و تيم ده‌سڵات دادوه‌رێ.
له‌ى باوه‌ته‌و، ئاجه‌ئى ته‌عليق له‌بان هه‌ڵويسته‌يل ئه‌حمه‌دى نه‌ژاد دا له‌وه‌ختيگ ك قاپى له‌وه‌رده‌م هه‌واڵه‌كردنى ئه‌را داوه‌رى پزيشكى واز كرد ئه‌را ته‌ئكيدكردن له ته‌ندروسى ئه‌قڵيه‌تى، ئه‌ويش چه‌ن رووژيگ دوياى ئه‌وه‌گ ئه‌حمه‌دى نه‌ژاد هه‌ڕه‌شه‌ێ تونيگ كرد له سادق لاريجانى سه‌رۆك دادگاو له‌يوا تاريفى كرد ك شه‌رعيه‌ت و مه‌رجه‌يل ئه‌را سه‌رۆكايه‌تى دادگا نه‌يرێد.
جى باسه، ئاجه‌ئى هه‌ميش وت: دادگا خوازياره روێ وه‌ڕوێ رێوشوونه‌يل تاوانكارانه‌ێ ئه‌حمه‌دى نه‌ژاد بدێده‌وه‌و باس له‌وه‌يش كرد ك ئاژاوه‌يل ته‌مام نادێ وه‌بى چه‌وديرێ ريڕه‌و ياسايى له دژێ.