شەفەق نیوز - تەهران
دەسەڵات دادوەری ئیرانی، ئمڕوو شەممە، جیوەجیکردن سزای لەسێدارەدان لەبان هاووڵاتییگ ئیرانی وەناو "سیاوەش جمشیدی خێرئابادی" راگەیاند، کە توومەتبارە وە تەقەکردن لە هێزەیل پۆلیس لە خوەراوای ئیران.
ئاژانس "میزان" سەر وە دەسەڵات دادوەری وت: "سزای لەسێدارەدانەگە جیوەجی کریا دویای تەواوبوین رێکارەیل یاسایی و پەسەنکردن وەدەس دادگای باڵای ئیران"، و دیاریکردن ئەوەگ "فایل جمشیدی توومەتەیل رفانن و دزی و هەڕەشە و داشتن چەک جەنگی وە شێوەیگ ناپەسەن و تەقەکردن لەخوەی گردبوی".
ئاژانسەگە ئاشکرایکرد "جمشیدی لە 8 کانوون دویەم/یەنایەر 2026 وە چەکیگ جەنگی تەقە لە هێزەیل پۆلیس کرد لە شەقام ناسر خوسرەو لە شار شەهرکورد لە خوەراوای ئیران، وەرجە ئەوەگ لە شوێنەگە بواد".
دیاری کرد "هێزەیل ئەمنی دویای دو رووژ توانستن ئەو ماشینەوەکاریهاوردبوی بگرن و جمشیدی دەسگیر بکەن و دەس وەبان چەکەگەی"، دیاریکرد "لە وەخت لێکۆڵینەوەیل دان نایە وە داشتن چەک و تەقەکردن لە هێزەیل پۆلیس".