شەفەق نیوز/ دویای دوو رووژ لە تاوانبارکردن ویداد بابکەر ژن سەرۆک دەرکریاگ سوودان عومەر بەشیر، وە توومەت دەوڵەمەنی حەرام، و بڕیار دادگا وە دەسناین لەبان ماڵداریی، مەوقەی دەسناین وەبان چشتەیلی، مرواری گران پەیا کردن، و سەرسام وە گەوهەرەیل دەگمەنیگ بوین.
زاقترین چشتەیل ژن سەرۆک میرگیگ بوی وە وینەی ملوانک ئەڵماس ناودیار «دڵ زەریا».
ئی گەوهەرە ک وەناو "Blue Suphaire" ناسریاگە، لە گەردن خانمە ئەسارەی سینەمایی کیت وینسلت بویە لە فیلم تایتانیک.
دادگا وتیە: ویداد بابکەر بویەسە خاوەن سەروەت گەپیگ، و پارچە زەویەیل فرەیگ، و میرگ و گەوهەر، ک نەتوەنستیە خاوەندارییان وەشیوەیگ یاسایی بچەسپنێد.
دادا فەرمان دا دەس بنریەێدە بان پویل و عەقار و باخ و تەڵا و میرگ و گەوهەری، وەگەرد دوو هەژمار بانکی لە بانک ئوم دەرمان.
لەبان ئەوەیش؛ دادگا باجیگ وە ١٧٥ هەزار دۆلار ئەمریکی لەبان ویداد خان چەسپان.
ویداد بابکەر لە دادگا وت: ئەو گەوهەرەیلە جویر دیاری لە دوو شوی ئەرای هاتیە، ک یەکەمیان رەحمەتی ئیبراهیم شەمسەدین بویە، و ئیەکە عومەر بەشیر، هەمیش دیاری لە زاوایلی ئەرای هاتیە.