شەفەق نیوز/ رسوومەیل ماڵئاواییکردن لە شاژن بەریتانیا ئێلیزابێت دویەم، ئمڕوو دووشەممە، دەسوەپی کرد، وە بەشداریکردن نێچیروان بارزانی سەرۆک هەرێم کوردستان وزیاتر لە هەزار ریبەر و وەرپرس گەورە لە جویراجویر دەوڵەتەیل جەهان.
نێچیروان بارزانی سەرۆک هەرێم کوردستان، مکیسیگ فەرمی لەلایەن شاه نوو بەریتانیا شاه چارلز وەرگرد ئەرا ئامادەبوین لە رسوومەیل ماڵئاواییکردن لە شاژن کووچکردگ، وەگەرد ١١٠٠ ریبەر و وەرپرس گەورە ک نوینەرایەتی دەوڵەتەیلیان کەن.
رسوومەیل ماڵئاواییکردن، شەوەکی ئمڕوو، لە کاتدرائی ویستمنستەر لە لەندەن پایتەخت دەسوەپی کرد، تا تەرم شاژن وە جادەیل پایتەخت بەریتانیا وەرەو ويندسور رەد بوود، ک ئەوەسا تەرمەگە ئەرا کلیسەی سانت جۆرج بریەێد، و وە لۆنگ ووک رەد بوود.