شەفەق نیوز - تاران

ئاژانس "فارس" ئیرانی، رووژ سێشەممە، خەوەردا لە ژنەفتن دەنگ تەقینەوەیگ لە دوورگەی قشم لە باشوور ئیران.

 ئاژانسەگە لە خەوەریگ زۊوەزۊ کە ئاژانس شەفەق نیوز وەدۊای چگ، دیاری کرد کە ستۊنەیل دۊکەڵ بەرزەو بۊنە لە ئاسمان دوورگەگە، وەبی ئاشکراکردن وردەکارییەیل زیاتر.

 سەرۆک ئەنجومەن شوورای ئیرانی محمد باقر قالیباف، لە وەختیگ گوزەشتە لە ئمڕوو سێشەممە، هەڕەشە کرد وە جیوەجیکردن "خود لۆژیک" کە وڵاتەیل یەکگرتگ و ئیسرائیل پەیڕەوی کەن لە رەفتارکردن وەرد دامەزراوە ئیرانییەیل، وە هەژمارکردن ئەوە کە بەنداو و بەندەر و وێستگەیل وزە کە نزیکن لە بنکەیلیان کریەێد پۆلین بکریەن جۊر دامەزراوەیل خاوەن وەکارهاوردن دووانە.

 ئی لێدوانەیل قالیبافە جۊر وەڵامیگ نیەێد ئەرا راپۆرتیگ کە رووژنامەی "نیۆیۆرک تایمز" بڵاوی کردگە، دۊکە دوشەممە، کە لە ژوان شارەزایەیل لە ئاو و کاروبارە سەربازییەیلەو وت کە ئیران شایەد بڕیگ لە بەنداو و پرۆژە ئاوییەیلی دروس کردگە ئەرا پاڵپشتییکردن بنکەیل مووشەکی لەژیر زەۊ.