سەرچەوەیل وتنیش؛ گورزیگ ئاسمانی بووسانەیل ناوەین ناوچەی عقربا و سەیدە زەینەب باشوور دیمەشق کردە ئامانج.
لەلای خوەییش،ئاژانس "سپوتنيك" رووسی وت: وەرگیرکردن ئاسمانی سوریا نواگیری مووشەکەیل ئیسرائیل لە ئاوای قونێترە باشوور خوەرئاوای سوریا کردن.
وتیش: وەرگری ئاسمانی سوریا نواگیری دوژمنایەتی ئیسرائیل کردن لە وەختیگ دەنگ رممەی تەقینەوەیب لە ناوچەی سەیدە زەینەب ژنەفیا.
وتیش: زانیاریەیل سەرەتایی خەوەر دەن کە شمارەیگ مووشەک لە جۆلانەو وەشیاس، وە تەقەلای وەئامانجگرتن چەن شوینیگ لە دەورگرد ناوچەی سەیدە زەینەب باشوور دیمەشق.
لەلای خوەییش، روانگەی ماف مرۆڤ سوریا وت: ئەو پەلامارە لە ناوچەی سەیدە زەینەب بویە هوکار ویرانکاری لە یەکیگ لە بارەگایل کە مەزەنە کریەێد هن حزبولڵای لوبنان بوود، و سوپای پاسداران ئیران، و گرووپەیل عراقی هاناوی.
دیاری کرد کە بیناگە وە تەواوی ویران کریا، وەگەرد زانیاری لە کەفتن کوشیان و زەخمداری، وتیش؛ مەزەنە هەس ئەو پەلامارە ئیسرائیلی بوود.
دیاری کرد کە وەرگری ئاسمانی رژیم وەشیا، وەبی پویچەڵکردن ئەو پەلامارە.