شەفەق نیوز/ وەگورەی هەواڵیگ لە وێبسیات "TASS"، پەلاماریگ تیرۆریستی کریایە وە بان باڵیۆزخانەی بێلارووس لە ئیتاڵیا.
وەگورەی زانیارییەیل دو کەس دەمپیچیاگ بۆمب خستنەسە ناو بینای باڵیۆزخانەی بێلارووس و هەر وەی مدوویە بەشیک لە بیناگە زەرەد وەپی رەسیە.
وەزیر دەرەوەی بێلارووس لەباوەت رۊداوەگە وت: "هۊچ یەکیگ لە ستاف باڵیۆزخانەگە زەخمدار نەۊە و هێزەیل ئەمنی ئیتاڵیا کردەوەگە وە پەلاماریگ تیرۆریستی باس کردن."
وەرپرسەیل ئیتاڵیا باس لەوە کردن، ئامادەن رێکار ئەمنی فرەتر بگرنە وەر ئەرا مقەیەتیکردن باڵیۆزخانەی بێلارووس.