شەفەق نیوز- تەهران

نرخ دۆلار لە بازار ئازاد ئیرانی، ئمڕوو دوشەممە، باز دا و لە بەربەست 240 هەزار تومەن رەد بوی، تا نرخ فرووشتنی برەسێدە 243 هەزار و 550 تومەن، لەوەرانوەر 236 هەزار و 50 تومەن لە دویەکە یەکشەممە.

وەپای داتایەیل چەودێری نرخ ئاڵوگۆڕ پویل، کە ئاژانس شەفەق نیوز چەوی وەپێ کەفت، دۆلار وە بڕ 7,500 تومەن یا 3.18% لەماوەی یەک رووژ بەرزەو بوی، لە وەختیگ کە نرخ سەنینی رەسێدە 241 هەزار و 100 تومەن.

نرخ فرووشتن توومارکریاگ ئمڕوو بەرزترین نرخە لە داتایەیل لەماوەی یەک ساڵ.

داوەزان پویل  ئیرانی وە مدوو وەردەوامی گوشارەیل ئابووری و سزایەیل ئەمریکی تێد.

ئی بازدانە هاووەختە وەگەرد ناروشنی  ری گفتوگوویل ناوەین تەهران و واشنتۆن، چوینکە سەرۆک ئەمریکی دونالد ترەمپ رەدکردن پێشنیازیگ ئیرانی ئەرا ئارامکردن راگەیان، باوجی مەزەنەی دەسوەپیکردن گفتوگوویەیل  لەماوەی ئی هەفتە کرد.