شەفەق نیوز - وەدۊاچگن

وەزیر گواستنەوەی ئیسپانی ئۆسکار بوینتێ، رووژ چوارشەممە، راگەیان کە دەس لە کارەگەی کیشاسەو، دۊای شەش رووژ لە رۊداو لەیەکەودان دوو قەتار لە ناوچەی ئۆردا لە هەرێم تۆلیدۆ، کە بۊە هووکار کوشیان 69 کەس.

 بوینتێ، لە وتاریگ لەوەردەم پەرلەمانتارەیل لیژنەی هەمیشەیی لە پەرلەمان ئیسپانی وت، کە "وەزیر گواستنەوە لە وڵاتیگ جۊر ئیسپانیا نەبایەس وەردەوام بوود لە کارەگەی دۊای دوو رۊداو وەی رخبارییە لە کەمتر لە ساڵیگ".

 وەزیرەگە وەرگری لە بڕیارەگەی کرد، وە هەژمارکردن ئەوە کە دەس لەکارکیشانەگە چوودە خزمەت بەرژەوەنی وڵاتەگە و دیموکراسی، و نۊنەرایەتی وەڵامدانیگ کەێد ئەرا خوازینیگ جەماوەری وە هەڵگردن وەرپرسیاریەتی سیاسی، وە دووپاتکردن لەبان ئەوە کە دیموکراسی ئیسپانی کامڵە، و وڵاتەگەی دەوڵەتیگ قایم و نووە و دەوڵەتیگ شکەسخاردگ نییە جۊر ئەوەگ بڕیگ بانگەشەی کەن.

 بوینتێ ئەو قسە رەت کرد کە گشت سیاسەتمەدارەیل جۊر یەکن، وە هوشدارداین لەوەگ جۊر ئی هۊرەیلە بیمتمانەیی وە دیموکراسی خوەراک دەن و وەرگریکردن لە خزمەتگوزارییە گشتییەیل و سەروەری یاسا لاواز کەن، وە بانگەوازکردن ئەرا هاووڵاتییەیل تا گوزارشت لە وژاردەیلیان لەڕی سندووقەیل دەنگداینەو بکەن.

 دەس لەکارکیشانەگە دۊای رۊداو لەیەکەودان دوو قەتار لە 28 تشرین یەکەم/ ئۆکتۆبەر گوزەشتە هات، لە نزیک ناوچەی ئۆردا لە ناوڕاس ئیسپانیا، کە گیان 69 کەس سەن، لە وەختیگ خود کڕەگە  رۊداویگ ترەک لە کانوون دۊیەم/ یەنایەر گوزەشتە وەخوەی دی، کە بۊە هووکار کوشیان 46 کەس، و خود دوو کۆمپانیا کارپیکەرەگە لەخوەی گرد.

 ئی وەرەونواچگنەیلە وەرجە کەمتر لە چوار هەفتە لە هەڵوژاردنەیل پەرلەمانی زۊوەزۊ تیەێد کە بڕیارە لە 29ی تشرین دۊەم/ نۆڤەمبەر وەڕیەو بچوود، و سەرۆک وەزیرەیل پێدرۆ سانچێز بانگەواز ئەرای کردۊد.