شەفەق نیوز/ سەرچەوەیلیگ رووژنامەوانی چینی، ئمڕوو دووشەممە، ئاشکرای دەسگیرکردن ژنیگ وەلایەن پولیس لە هۆنگ کۆنگ کردن، سێ دویەت خوەی کوشتیە، تەمەنیان لە دوو و چوار و پەنج ساڵانە، ئەوەیش لەناو شوقەی خوەیان لە کولۆن.
لێکۆڵینەوەی سەرەتایی ئاشکرا کرد ک ژنەگە نزیک ساعەت ١١ی شەوەکی تەلەفۆن پولیس کردگە کوایە گوایە شویەگەی وە چەقوو زەخمدار خوەی و سێ دویەتەگەی لەناو ماڵەگە کردیە.
رووژنامەی "چاينا مورنينگ پۆست" وت: ئەو ژنە لە تەمەن ٢٩ ساڵان خەڵک هۆنگ کۆنگە لە بنچینەی هندی.
پولیس رەسیە شوین رویداوەگە و دەسکردە مینەکردن شویەگە، وەلێ زانستن ک ژنەگە و سێ دویەتەگە وەچەقوو زەخمدار بوینە.
سێ دویەتەگە ئەرا بنکەی پزشکی کاریتاس بریان، و لەورا گیانیان لەدەس دان، و پزشکەیل وتن: دویەتەیل زیان لە تاسیان وەخوەیان دینە نەک وە زەخم چەقوو.
رووژنامەگە لە زار سەرچەوەیگ ئاشکرا کرد ک دویای ئەوە ژنەگە وەزوان خوەی وتیە ک خوەی ئی دویەتەیلە کوشتیە، و دیارە بیمارییگ دەروینی دیرێد، ک وەرجە ئەوە باس فریشتە و سایەڵ کردیە.