شەفەق نیوز - ئەنقەرە

وەزارەت ناوخوەی تورکیا، ئمڕوو یەکشەممە، دەسگیرکردن 51 توومەتبار پەیوەنیدار وە رێکخریاگ "داعش" راگەیان، لە پرۆسەیل ئەمنی هاووخت کە لە 16 ولايەت ئەنجام دریان.

وەزارەتەگە لە بەیاننامەیگ رووژنامەوانی وت؛ پرۆسەیل وە هەماهەنگی  لەناوەین فەرمانگەی دژەتیرۆر لە فەرماندەیی  گشتی و داواکارییەیل گشتی ئەنجام دریان، و وەلایەن فەرماندەییەیل جەندرمە لە ولايەتەیل پەیوەنیدار جیوەجی کریان.

ئاشکرایکرد، ئۆپراسیۆنەگە لە ئادانا، و ئادیامان، و بالیکەسیر، و بورسا، و دیاربەکر، و دۆزجە، و ئادرنە، و غازی عەنتاب، و ئغدیر، و قەیسەری، و ماردین، و مەرسین، و نەوشەهیر، و سینۆپ، و شانلی ئورفا، و زۆنگولداک گردیەسەو.

وتیش؛ دەرکەفت دەسگیرکریاگەیل ئەندام بوین لە رێکخریاگە، و بڕیگ لەلیان پویل وەپیان دریاس  لەری کەسەیل پەیوەنیدار وەپیان جویر "رێکخریاگەیل وەناو فریاگوزاری"، لە وەختیگ کەسان ترەک بانگەشە ئەرا پرۆپاگەندەی کردنە لە ری حساوەیلیان لەبان تووڕەیل کۆمەڵایەتی.

وەزارەتەگە دیاریکرد پرۆسەیل وەردەوام بوون دژ وە چالاکییەیل رێکخریاگە و پێکهاتەیل داراییان .