شەفەق نیوز/ ٤٨ کەس لەلای کەمەو دەسگیر کریان، وەگومان کارەیل تاڵانکردن لە ٨ پارێزگا ک لە زەویلەرزەی رووژ دووشەممە، لە باشوو تورکیا زەردمەن بوین، وەگورەی خەوەر ئاژانس ئەنادۆڵ.
ئاژانسەگە لە زوان سەرچەوەیلیگ ئەمنی وت: ئەو کەسەیلە بەندی کریانە و خریانە لێکۆڵینەوە لەبان کارەیل تاڵانکردن لەپشت ئەو زەویلەرزەیلە ک تونیەگەی رەسیە ٧.٨ پلە و بویە هوکار کوشیان زیاتر لە ٢٥ هەزار کەس لە تورکیا و سوریا.
٤٢ کەس لەیانە لە پارێزگای هاوتای دەسگیر کریانە ک پویل فرەیگ و مۆبایل و لابتۆپ و چەک و تەڵا و کارت بانکی وەپیان بویە.
٦ کەس تریش لە غازی عنتاب وە توومەت خەڵتانن وەڕی وەکارهاوردن مۆبایل دەسگیر کریان.